Proverbi veneti

Fonte:
Raccolta di proverbi veneti di Cristoforo Pasqualigo
1882, Forni Editrice Bologna.

Alberi e frutti
  1. El primo che g’ha bruscà xe sta un musso.
  2. Coa curto, vendèma longa.
  3. Molti pampani, poca ua.
  4. Un papa e un persegar, pì de ventiçinqu’ani no pol durar.
  5. La legna de moràr, la brusa quando ghe par.
  6. Co casca le fogie dei frutari, xe tempo de impiantar peri e pomari.
  7. Dixe el salgaro: piànteme de genaro.
  8. Quel ano che le nose vien a castelo, la va ben par el rico e par el povarèlo.
Bachi e gelsi
  1. Da sant’Isepo (19 marzo) se mete i cavalieri in cao del leto.
  2. Se i va ben, i xe cava-lire; se i va mal, i xe cava-cori.
  3. Nè zarese (ciliege) nè galete, in granaro no se mete.
  4. Chi coltiva ‘l moro, coltiva nel so campo un gran tesoro.
  5. I morari perché i fazza ben, bisogna che i senta le madone (o le orazion de casa o l’odor del caldiero).
  6. Le raise del morar, vol sentir le campane a sonar.
Biade e grani
  1. Formento tristo in erba, belo in spiga.
  2. Fiora de formento in fessura, la spiga vien più dura.
  3. La carestia vien in barca.
  4. Gran brentana, poco formento.
  5. Co ‘l formento xe sui campi, el xe de tutti quanti; co l’è int’i granai, l’è dei usurari.
  6. Quando ‘l formento l’è nei campi, l’è de Dio e dei Santi; quando l’è sui solari, no se pol aver senza dinari.
  7. El bon gran, fa ‘l bon pan.
  8. Gran piova e sol, molto formenton e poco pajol.
  9. Sorgo bello in erba, bruto in panòcia.
  10. El sorgo fa bon gran, co ‘l ga la gamba da venezian.
  11. Dise ‘l sorgo: tieme largo, se te vol che te cargo.
  12. El sorgo-rosso, che passa ‘na zapa, e ‘l sorgo ‘na vaca.
  13. El sorgo nel campo, ga bisogno d’ogni santo.
  14. Le panòcie sta in çielo.
  15. El formenton sta nele nuvole.
  16. Dise ‘l çinquantin: zàpeme piçinin, e dame tera col panocin.
  17. Chi vol de vena un granaro, (o Chi vole un bon venàro,) la sèmena de febraro.
  18. Quando la tera vede la vena, per sete ani trema.
Concime
  1. Leàme de cavalo, no fa falo; quelo del bo, fa quel che ‘l po; quelo de bebè, fa purassè.
  2. Drio la merda vien l’oro.
  3. Cava erba e meti merda.
  4. La merda fa la magna e la magna fa la merda.
  5. Per i campi, la benedizion de la forca.
  6. Merda e acqua santa, fa racolta tanta.
  7. La merda dise mal del badil.
  8. El contadin che vende loàme, compra peòci.
  9. Teren grasso, vilan a spasso.
  10. La richezza del contadin, sta nel fosso e nel cavin.
  11. Dove se rebalta el caro, se ghe ne rancura un staro.
Erbaggi e prati
  1. Ano de erba, ano de merda.
  2. Bondanza de fien, carestia de polenta.
  3. Molto fen, poche nose.
  4. Chi desfa bosco e desfa prà, se fa dano e no lo sa.
  5. Chi g’ha un prà, g’ha un tesoro e no lo sa.
  6. Prà novo, erba bona.
  7. Sega l’erba in luna nova, e la vaca el bisogno trova.
  8. Nè prà mal segà, nè piegora mal tosà, no xe la rovina de al ca.
  9. Chi vende fen, vende ‘l so ben (o compra miseria).
  10. Erba poca, fen bon; erba tropa, fen trist.
  11. Zuche e fen, in t’un mese le vien.
  12. Vendi la tònega, per comprar la betonega.
  13. Chi vol un bel ajo, lo pianta a febrajo.
Preparazione del terreno e semina
  1. Ara molto e semina poco.
  2. Chi lavora la tera co le vache, va al mulin col puliero.
  3. Romper coi bo e somenar co le vache.
  4. Chi no ponze, no monze.
  5. Chi vanga, no se ingana.
  6. La vanga ga la ponta d’oro.
  7. Dove no va acqua, ghe vol la zapa.
  8. Per far bona la tera ghe vol colo e culo.
  9. Per far un bon campo ghe vol quatro “M”: manzi, monede, merda e man.
  10. Per arar ghe vol do “S”: suto e soto.
  11. Quando se sèmena ne la polvere, bisogna far i granari de rovere.
  12. Chi sèmena per el suto, rancura bon fruto.
  13. Ara de istà, che te leami d’inverno.
  14. El temporivo na va mai in prèstio del tardivo.
  15. Tardivo, sempre povero.
  16. Chi tra via in stagion, fa un bel racolton.
  17. Piova o vento, semena co xe ‘l tempo.
  18. Formento in paciarina, sorgo in polverina.
  19. El sorgo, semenarlo co la giachèta.
  20. Fisso, col çesto; ciaro, col caro.
Terreni, loro natura
  1. Tera negra fa bon pan, se magna ancò e anca doman.
  2. Beato quel campeto, che ga siesa col fosseto.
  3. El campo co la goba, dà la roba.
  4. Dove regna la gramegna, el pan ghe regna.
Animali
  1. Chi maltrata le bestie, maltrata anca i cristiani.
  2. Xe megio caval fato che pulièro mato.
  3. Caval vecio e servitor cogion, no ingana el paron.
  4. Caval cativo, caval da corsa.
  5. Caval picolet, no val un pet.
  6. Le vache pissa, i manzi sbrissa, e i bo veci xe quei che tira.
  7. Chi copa la vaca e tien el vedel, el ga el cervel sora el capel.
  8. Sia da cavalo, sia da mulo, sta tre passi lontan dal culo.
  9. La piègora xe benedeta nel culo e maledeta ne la boca.
  10. La piègora saria bona se la g’avesse la boca in montagna, e ‘l culo in campagna.
  11. Chi ha un porco solo lo fa grasso, chi ha un fio solo lo fa mato.
  12. Galina zovène per far ovi, vecia per coarli.
  13. Chi no vol scarpìa, copa ‘l ragno.
  14. Co canta ‘l merlo, xe fora l’inverno.
Casa
  1. La casa mia, per picola che sia, la me sembra un abazia.
  2. El pan fato in casa xe sempre più saorio (saporito).
  3. El vin de casa, no imbriaga.
  4. Tuti se paroni a casa soa.
  5. La ciave (chiave) xe la pase de le case.
  6. Meza casa, mezo inferno.
  7. ‘Na casa senza dona, xe ‘na lanterna senza lume.
Cose fisiche
  1. Legne de fasso (fascina), presto te vedo e presto te lasso.
  2. In çento ani e çento mesi, l’aqua torna ai so paesi.
  3. Storzi e sdrezza, a la fin la se scavezza.
  4. La luna fa lume ai ladri.
Economia rurale
  1. Case vecie e campi magri.
  2. Casa fata e campo da far.
  3. Carestia in çità de orto, e de casa in campagna.
  4. Casa fata e vigna posta, no se sa quanto la costa.
  5. Molta tera rende poco, poca tera rende molto.
  6. Casa casca, campi campa.
  7. El campo no vien mai vecio.
  8. Ogni campo g’ha la so entrada.
  9. L’ocio del paron ingrassa ‘l cavalo.
  10. El piè (o La scarpa) del paron xe la grassa de la possession.
  11. Chi fa e no custode, molto spende e gnente gode.
  12. A chi no vol far fadighe, el teren ghe produse ortighe.
  13. Fa più el paron coi so oci, che le opere col baìl.
  14. In campagna andarghe, e in botega starghe.
  15. La campagna da viçin, da ‘l pan e ‘l vin; la campagna da lontan, no la da gnanca ‘l pan.
  16. Chi g’ha ‘l caro e i boi, fa ben i fati soi.
  17. La richezza del vilan sta ne le brazza: chi ne vol, se ne fazza.
  18. L’agricoltor xe sempre rico a l’ano venturo.
  19. Dove la siesa è bassa, tuti passa.
  20. Cativo paron, cativo gastaldo.
  21. Carestia prevista, abondanza fata.
  22. Chi no g’ha nè orto nè porco, tira ‘l muso storto.
  23. Chi no sparagna la semenza, magna la paja.
  24. Campo pestà non produse erba.
  25. Chi compra tera, compra guera.
  26. Chi no g’ha ‘l gato, mantien i sorzi; e chi lo g’ha, mantien gato e sorzi.
  27. Su l’afito, no ghe tempesta.
Meteorologia, tempi e giorni dell’anno
  1. Gennaio L’Epifania tute le feste la scoa (scopa) via.Sant’Antonio (17), i dì se slonga un passo de demonio. San Bastian (20), co la viola in man. Sant’Agnese (21), el fredo passa le siese. San Paolo (25) ciaro e la Çeriola (2 feb.) scura, de l’inverno na se ha più paura. Genaro ventoso, ano granoso.
  2. Febbraio Da San Valentin (14), mezo pan, mezo vin e mezo fien per el pussin. Febraro suto (asciutto), erba per tuto.
  3. Marzo Da San Gregorio papa (12), le sisìle (rondini) passa l’aqua.Da San Beneto (21) xe la rondine sul teto. De Marzo, chi no g’ha scarpe va descalzo. Marzo suto, April bagnà, beato ‘l contadin che ha semenà.
  4. Aprile Sete volte al dì piove d’April, e ancora se suga ‘l mantil.???La piova d’April, impianta ‘l fenil. Se no piove su l’olivo, piove sui ovi. Pasqua, vegna alta, vegna bassa, la vien co fogia e frasca; vegna Pasqua quando se vogia, la vien co frasca e fogia (foglia del gelso)
  5. Maggio Se piove a Santa Crose (3), va sbuse le nose.Se piove ‘l dì de la Sensa (Assensione), per quaranta dì no se xe senza. De Magio sul marcà ghe xe: vache, che no g’ha più late, bo che no tira, e omeni che no g’ha vogia de laorar.
  6. Giugno De San Piero (29) le sarèse gha el pulièro (il baco).
  7. Luglio Da Santa Maria Madalena (22) impianta el pal e tagia la vena.Se piove ‘l dì de Sant’Ana (26), piove un mese e ‘na setimana.
  8. Agosto Dal Pardon (2) se trà la zapa in un canton.Da San Roco (16), l’aqua va zo per ‘l foso. Da San Bortolomio co l’aqua lavate el da drìo. La prima piova d’Agosto rinfresca ‘l bosco.
  9. Settembre Da San Matio (21), ogni fruto xe compìo.San Michiel (29) la marenda va in çiel.
  10. Ottobre Da San Luca (18), el ton (tuono) va in zuca. (fine dei temporali)
  11. Novembre San Martin el vien ‘na volta a l’an; se ‘l vegnesse ogni mese, al saràe (sarebbe) la rovina del paese.
  12. Dicembre Da Santa Lùçia (13), ‘l fredo cruçia.Da Santa Lùçia a Nadal, le se slonga un piè de gal, da Nadal a Pasqueta, le se slonga un’oreta.
Levare e tramontare del Sole
  1. Rosso de sera, bon tempo se spera; rosso de matina, o vento o piovesina.
  2. Tramonto de naranza, de bon tempo gh’è speranza.
  3. Quando ‘l sol va zo rabioso, el zorno drìo no l’è piovoso.
Luna
  1. Goba a ponente, luna crescente; goba a levante, luna calante.
  2. La eclissi, sia de sol, sia de luna, fredo le porta e mai fortuna.
  3. La luna fa lustro (lume) ai ladri.
Mestieri, arti, professioni
  1. Impara l’arte, e metela da parte.
  2. Chi g’ha un mestier in man, da per tuto trova pan.
  3. Chi vol saver cosa xe l’inferno, fazza ‘l cogo de istà e ‘l caretier d’inverno.
Nebbia, nubi, nembi, iride
  1. Nuvole verdoline e negrete, tempesta e saete.
  2. Quando ‘l ton vien da furlan (Friuli Venezia Giulia), to’ ‘l sacheto e va a pan.
  3. Arco balen conduse ‘l seren.
Neve
  1. Quando la canavèra fa ‘l pennàcio, molta neve e molto giazzo.
Presagi degli animali
  1. Co canta la rana, piova a brentana.
  2. Co le zoète (civette) canta al matin, piova da viçin.
  3. Co i aseni stranùa, el tempo se mua; co i aseni ascolta, el tempo se volta.
Religione, pratiche esteriori
  1. Santa Barbara benedeta, guardème dal ton e da la saèta.
  2. Preti e capitei, cavève ‘l capeo e rispetei.
Riflessione, ponderatezza, tempo
  1. Chi varda la luna, casca in fosso.
  2. Chi va pian, va san e va lontan.
  3. La gata fretolosa, fa gatèi orbi.
Tavola, cucina
  1. Saco vodo no sta in piè.
  2. Menestra rescaldada no xe mai bona.
  3. La megio carne se quela arente l’osso.
  4. Carne vecia fa bon brodo.
  5. Chi a la sera magna fasoli, fa bruti sogni.
Temperanza, moderazione
  1. L’ultimo goto xe quelo che imbriaga
Venti
  1. Se ti vol veder ‘l tempo fin, a la sera siroco e la matina garbin (vento di sud-ovest).
  2. El tempo e i siori (signori) fa sempre quel che i vol lori.
Vesti, addobbi
  1. Quando l’abito de la festa se mete ogni dì, o che se xe mati, o che no ghe n’è pì.
Villani
  1. Tre aseni e un vilan, fa quatro bestie.
  2. A la sagra del vilan, se la xe ancò, vaghe doman.
  3. Chi vol saver quando xe festa, varda ‘l vilan co l’è onto in testa.
Vino
  1. El vin a la matina l’è piombo, al mezodì arzento, e la sera oro.
  2. El vin xe bon per chi lo sa bever.
  3. Ogni vin fa alegria, se ‘l se beve in compagnia.
  4. El vin xe ‘l late dei veci.
  5. El vin fa bon sangue.
  6. Le pezo fiore xe quele del vin.
x
Avarizia
  1. Chi ama i soldi, vende la so anima.
  2. Do’ che ghe xe avarizia, gh’è mestizia.
  3. Chi tropo sparagna, vien la bissa e ghe lo magna.
  4. Chi tien le man strete,no ghe ne cava, ma gnanca ghe ne mete.
  5. I preti i g’ha sete man per tore, e per dare una.
  6. La dona se come la balanza: la pende da la parte che più la riceve.
Beneficenza, dono
  1. La carità onesta, la va for da la porta e la entra per la finestra.
  2. Chi dona ai poveri, impresta a Dio.
  3. Chi no semena, no raccoglie.
  4. La carità, farla anca al diavolo, la xe ben fata.
  5. Chi dà presto, dà do volte.
  6. A caval donà no se varda in boca.
Bisogno, necessità
  1. La necessitat fa l’om mestri.
  2. Co l’acqua toca ‘l culo se’ impara a nuàr.
  3. A mostrare el culo no ghe vol vergogna.
  4. In tempo de vendèma, ogni çesta vecia xe bona.
  5. La neçessità fa l’omo ladro.
Contentarsi della propria sorte
  1. Val più caseta e cor contento, che palazzo pien de vento.
  2. Chi no pol far col molto, fazza col poco.
  3. El poco basta, e ‘l tropo guasta.
  4. Se sa quel che se lassa, e no se sa quel che se trova.
Contrattazioni, Mercatura
  1. El mondo, mezo se da vender, e mezo da cromprar.
  2. Tanto xe mercante chi compra, come chi vende.
  3. Botega senza generi, xe come na scarpa senza sola.
  4. Co la roba è ben tenuda, la se meza venduda.
  5. Vàrdate da la bubàna (abbondanza).
  6. Chi più spende, manco spende.
  7. Carta canta e vilan dorme.
  8. Coi soldi in man, se fa quel che se vol.
  9. Banca rota, conti fati.
  10. Marcante e porco, no se pesa che dopo morto.
Debiti, prestiti, mallevadorie
  1. La quaresima xe breve, per chi a Pasqua pagar deve.
  2. Debiti e pecai, quant’ i sia no se sa mai.
  3. A pagar e morir gh’è sempre tempo.
  4. No se pol cavar sangue dal muro.
Economia, prodigalità
  1. Chi no stima un bezzo, no val un bezzo (soldo)
  2. Chi no trova bezzi ne la so scasela, manco li trova in quela dei altri.
  3. No bisogna far fogo fora de la pignata.
  4. Co ghe n’è poca (roba), ghe ne vanza sempre.
  5. Chi no tien drito, spande.
  6. In casa strenzi, in viaggio spendi, in malatia spandi.
  7. Quando ‘l paron no g’ha çervelo, la casa va in sfaçelo.
  8. Co manca ‘l timon, no gh’è direzion.
  9. La massèra che tende a ca, guadagna çinque soldi e non lo sa.
  10. L’omo tien su un canton de casa, e la dona tre.
  11. Costa più un vizio che diese fioi.
  12. Roba de canton, torna ben d’ogni stagion.
  13. La roba se buta via tre dì dopo che la spuzza.
  14. Pezze e taconi, mantien conti e baroni.
  15. Xe i fondamenti che tien su la casa.
  16. La cusina picola fa la casa granda.
  17. Chi magna tuto, caga tuto.
  18. Co i mati buta via, chi ha giudizio tol suso.
  19. I cojoni fa le nozze e i furbi se la magna.
Fortuna
  1. La fortuna la va drio ai orbi.
  2. La fortuna xe de quei, che la ciapa per i cavei.
  3. Chi nasse sfortunai, ghe piove sul culo a star sentai.
Frode, rapina
  1. La volpe che dorme no magna galine.
  2. I rati (topi) va dove che gh’è ‘l formagio.
  3. Chi roba a un bon ladron, g’ha cent’ani de perdon.
  4. Roba robà, come la vien la va.
  5. La gata va tanto al lardo fin che la ghe lassa la zampa.
  6. Chi la torta mal guadagna, vien la gata e ghe la magna.
  7. Le braghesse dei altri, rompe ‘l cul a chi le porta.
  8. Cosa trovada, no xe robada.
Governo, leggi, ragion di stato
  1. Fata la lege, trovà la malizia.
  2. Le novità le piase a chi no g’ha gnente da perder.
Guadagno, mercedi
  1. Pochi, ma che i se toca.
  2. Boca onta no pol dir de no.
  3. Ogni peada para avanti.
  4. Poco xe megio che gnente.
Miserie della vita, condizioni dell’umanità
  1. Chi xe contenti, mor presto.
  2. Cavei e guai, no manca mai.
  3. Omo in rovina, la puìna (ricotta) ghe scavezza i denti.
  4. Le disgrazie g’ha le ale, la fortuna i piè de piombo.
  5. Una desgrazia no vien mai sola.
Povertà, ricchezza
  1. L’omo senza bezzi (soldi), xe un morto che camina.
  2. La rason del poareto, no val un peto.
  3. i siori casca in piè, i poveri co la testa.
Abitudini, usanze e vizi
  1. L’uso fa lege.
  2. Beata quella casa che se scoada de vecie.
  3. Chi non usa, disusa.
  4. Chi cambia natura, presto va in sepoltura.
  5. Chi lassa la strada vecia per la nova, spesse volte gabado se ritrova.
  6. Xe megio (mejo) ‘na volta, che ‘na stravolta.
  7. Al ben se se usa presto.
  8. Chi xe usi al ben, stenta usarse al mal.
  9. El pan de casa stufa.
  10. Ogni bel balo (o zugo) stufa.
  11. Le novità dura tre dì; e co le va de troto le ghe ne dura oto.
  12. La caèna no ga paura del fumo.
  13. La rana co la xe usa al paltan, se no la ghe va ancò, la ghe va doman.
  14. No se pol cavar la rana dal paltan.
  15. Chi se uso a la rapa, no magna pastisso.
  16. Onde che se piega, se reversa.
  17. Chi cominçia mal, finisse pezo.
  18. Chi va al mulin s’infarina.
  19. El primo vizio conduse al preçipizio.
  20. Un vizio ciama l’altro.
  21. I vizi i se da la man un co l’altro.
  22. Co se ciapa un vizio, se stenta a perderlo.
  23. El vizio xe come la gramegna, che le raìse ghe resta sempre.
  24. La volpe perde ‘l pelo, ma ‘l vizio mai.
  25. Vizio per natura, fin la fossa dura.
  26. Le peche de natura, se le porta in sepoltura. (Quel che xe de natura, se le porta in sepoltura).
Condizioni e sorti disuguali
  1. Chi sta vicin a la pignata, magna la minestra calda.
  2. El mondo se fato a scarpete, chi se le cava e chi se le mete.
  3. ‘N’ alta e ‘na bassa fa ‘na gualiva.
  4. Chi taja su quel d’altri no sente dolor.
  5. Chi fila, ga na camisa; chi no fila, ghe n’ha do.
  6. Chi çiga più forte g’ha più rason.
  7. Chi pissa contro ‘l vento, se bagna la camisa.
  8. Chi g’ha pan, no g’ha denti; e chi g’ha denti, no g’ha pan.
  9. Morte tua, vita mia.
  10. No casca tempesta, che no la sia bona per qualchedun.
Conforti ne’ mali
  1. Dio ghe xe per tuti.
  2. Dopo la piova vien el sol.
  3. El tempo giusta tuto.
  4. A tuto ghe xe rimedio, fora che a l’osso del colo.
  5. Nessuna nova, bona nova.
  6. Tuto el mal no xe mal.
  7. Morto un papa, i ghe ne fa ‘n altro.
Consiglio, riprensione, esempio
  1. Cosa fata no vol consegio.
  2. El mèdego pietoso fa la piaga puzzolente.
  3. Chi me vol ben, me cria; chi me vol mal, me ride drio.
  4. No tor mai consegi da gente andada in malora.
  5. Do teste le stenta a combinarse.
  6. Omo avisà, xe mezo armà (o mezo salvà).
  7. Val più l’esempio che le parole.
Errore, fallacia dei propositi e dei giudizi
  1. Chi se prova, qualche volta fala (sbaglia); chi no prova, fala sempre.
  2. No bisogna mai darse maravegìa de nissun.
  3. Teste grandi, fali grandi.
  4. Chi fa i conti avanti l’osto, li fa do volte.
  5. Per vender la pele bisogna aver copà l’orso.
  6. No bisogna meter el caro avanti i bo.
  7. L’omo propone e Dio dispone.
  8. Tute le bale (palle) no vien tonde.
  9. Tuti i seci (secchi) no tira suso aqua.
  10. Ben faremo, ben diremo; mal va la barca senza remo.
Esperienza
  1. Val più la pratica, che la gramatica.
  2. Chi no fa, no fala; e chi no fala, no impara.
  3. Chi no sa far, no sa comandar.
  4. Chi no mor in cuna, ghe ne impara sempre qualcheduna.
  5. El tempo xe un gran maestro.
  6. Bisogna scoltar sempre i veci.
  7. El diavolo la sa lunga, perchè l’è vecio.
  8. Bo vecio, solco drito.
  9. Chi fa ‘l trenta, pol far anca el trent’un.
  10. El can scotà da l’aqua calda, g’ha paura de la freda.
  11. Chi co l’ocio vede, col cuor crede.
False apparenze
  1. L’aparenza ingana.
  2. L’abito non fa ‘l monaco, nè la barba ‘l filosofo
  3. I pomi rossi xe quei che g’ha el vermo.
  4. No se tuto oro quelo che luse.
  5. Tuti i fiori no sa da bon.
Fama buona e cattiva
  1. L’onor xe ‘l sal de la vita.
  2. L’onor se come ‘l vento, el va fora da tuti i busi.
  3. Erba che no g’ha raise, no taca.
  4. Quando tuti te dise imbriago, va a dormir.
  5. Xe megio aver i corni in scasela che in testa.
Fatti e parole
  1. Dal dito (detto) al fato, passa un tratto.
  2. I progeti spaca ‘l mondo e i fati fa tremar le culate.
  3. Dove ghe vol fati, le parole no basta.
  4. Chi promete massa, no mantien gnente.
  5. Dove ghe xe femane e gati ghe se più ciacole che fati.
  6. Una parola tira l’altra.
Gioco
  1. Se ris-cia per bisogno, se perde per neçessità.
  2. Chi sa ‘l zogo no l’insegna.
  3. No tocar can che ròsega, nè zogador che perde.
Giustizia, liti
  1. Fra i do litiganti, el terzo gode.
  2. Nè per torto nè rason, no te lassar meter in preson.
Guerre, milizia
  1. Chi va a la guera, magna mal e dorme in tera.
Ingiurie, offese
  1. Chi semena spini, no vada descalzo.
  2. Chi no se risente, no se fio de bona zente.
  3. Perdonar l’è da cristiani, desmentegar l’è da cojoni.
  4. Co se se vol ben, no se se ofende.
Mutar paese, viaggiare
  1. Chi sta sotto la napa del camin, no spuzza che da fumo.
  2. Tuto ‘l mondo xe paese.
  3. Chi va pian, va lontan.
Nature diverse
  1. El mondo l’è belo perchè l’è vario.
  2. Tuti sa el fato soo.
  3. Ogni campanil sona le so campane.
Regole del giudicare
  1. Se le xe rose, le fiorirà; se le xe spine le ponzarà
  2. Una rondina no fa primavera.
  3. No se dise quatro co no l’è in saco.
  4. A pensar mal, se fa mal, ma la se indovina.
  5. Una campana sola, no fa conçerto.
  6. Bisogna sentir tute do le campane.
  7. L’ecezion fa la regola.
Regole del trattare e del conversare
  1. La creanza sta ben anca a casa del diavolo.
  2. Veder e no tocar, la xe cosa da imparar.
  3. Zogo (gioco) de man, zogo da villan.
  4. Scherza coi fanti e lassa star i santi.
  5. Beati i ultimi, se i primi g’ha creanza.
  6. Ambasciator no porta pena.
  7. Domandar xe lèçito e risponder xe cortesia.
  8. Se paga de la moneta che se vien pagadi.
Risolutezza, sollecitudine, cogliere le occasioni
  1. Chi ben prinçipia è a la metà de l’opera.
  2. Xe megio un vovo ancuo, che ‘na galina doman.
  3. El pavimento de l’inferno xe fato de bone intenzion.
  4. Fora ‘l dente, fora ‘l dolor.
  5. Bisogna bater el fero fin che l’è caldo.
  6. Chi tardi ariva, male alogia.
  7. No aspetar de sarar la stala co i bo xe scampai.
  8. Aqua passada, no masena più.
  9. Ogni lassada è persa.
Sentenze generali
  1. Can de do paroni, more de fame.
  2. L’omo comanda de zorno e la femana de note.
  3. Servo de do paroni, servo d’i me cogioni.
Buoni e malvagi
  1. La peso roda del caro xe quela che ruza.
  2. Erba cativa no more mai.
  3. I omeni xe co’ fa i meloni, de cento ghe n’è do de boni.
  4. Ghe gera un solo galantomo a sto mondo, e i l’ha picà.
  5. Ognun xe fio de le so azion.
  6. El diavolo, co nol porta, el strassina.
  7. Tra i dòdese apostoli ghe xe sta un Giuda.
  8. Omol de confin. o ladro o assassin.
Compagnia, società, vicinanza
  1. Megio soli, che mal acompagnai.
  2. Un pomo fato in tochi, el contenta pochi.
  3. Un poco per un, no fa mal a nissun.
  4. Soli no se sta ben gnanca in paradiso.
  5. Un legno solo no arde
  6. L’union fa la forza.
  7. Can no magna can.
  8. Dime ‘l compagno, e te dirò chi ti xe.
  9. Coi birbi, el galantom fa la figura del cojon.
  10. Co se xe rente un santo, se acquista un toco de virtù.
  11. Tien pì conto del viçin, che del parente.
  12. Un pomo smarzo, ghe ne smarçisse ‘na cesta.
  13. Vàrdate da prete contadin, da compare viçin, e da aqua per confin
  14. Vàrdate dal vento, da omo che parla lento, da chi no beve vin, e da donna che parla latin.
  15. L’amigo del prete perde la religion, l’amigo del medico perde la salute, e l’amigo de l’avocato perde la sostanza.
Donna, matrimonio
  1. Le done xe sante in ciesa, anzoli in strada, diavoli in casa, çivete a la finestra e gaze a la porta.
  2. La dona bisogna praticarla un zorno, un mese e un’ istà, per saver de che odor la sa.
  3. La lengua de le done xe come la fòrbese, o la tàgia o la ponze.
  4. La dona va sogeta a quatro malatie a l’ano e ognuna dura tre mesi.
  5. Femene ghe n’è sete par un, e le zote da spartir.
  6. Dona de mondo, nè l’ha mai fondo.
  7. Tre calighi fa ‘na piova, tre piove ‘na brentana, tre festini ‘na putana.
  8. Dona scompagnada, xe sempre mal vardada.
  9. No gh’è carne in becaria, che gato o can no la strassina via.
  10. Chi no me vol, no me merita.
  11. Femene e boi, dai paesi soi.
  12. Quando Dio vol castigar un omo, el ghe mete in testa de maridarse.
  13. Omo maridà , osel in gabia.
  14. La muger fa far giidizio.
  15. La dona bona fa la casa, e la mata la desfa.
  16. Co piase el gal, piase anca el puner.
  17. Per far un bon matrimonio ghe vol l’omo sordo, e la dona orba.
  18. La dona deve aver quatro m. matrona in strada, modesta in ciesa, massera in casa, e matona in leto.
  19. Marìo vecio e muger zovene abbondanza de putei.
  20. Chi vol giustar le braghe co le còtole de la femena, le g’ha sempre rote.
  21. Chi se marida in parentà, o curta vita o longa infermità.
Famiglia
  1. Mama mia, casa mia, rica o povera che la sia.
  2. Tuto quel che s’ha perso, se pol ritrovar; la mare no.
  3. Mare xe miel, maregna xe fiel.
  4. Chi g’ha la maregna, de drio se segna.
  5. Pitosto che dar maregna ai to fioi, fate frate.
  6. Mama morta, papà orbo.
  7. Povere quele case, che la galina canta e ‘l galo tase.
  8. Un solo re, un solo papa e un solo paron de casa.
  9. El primo fiol, nasse quando che ‘l vol.
  10. La putela fa la mama bela.
  11. A ogni simia ghe par bei i so simioti.
  12. I fioi vien dal cuor, e ‘l marìo da la porta.
  13. Chi tardi fa su i denti, vede morir tuti i so parenti.
  14. Ave, Maria, gratia plena, chi se li ha fati se li tagna.
  15. La pianta che ha massa fruti, no li maùra tuti.
  16. Se ti vol un bel vedelo, dise la manza, dame un toro belo.
  17. El bon àlbaro fa boni fruti.
  18. El pare che xe bon, el dopara ‘l baston.
  19. Amor de fradelo, amor de cortelo.
  20. Do cioche (chiocce) int’un nido no le pol star.
  21. Dentro la nora, fora la madona (suocera).
  22. Co la nora è su la porta, la madona fusse morta.
  23. Dio mio mandemela bona: un marì senza madona.
  24. Le madone no le sta ben che tacàe sora ‘l leto.
  25. I ledamer vicin de le stale, e le fie maridade lontan da le mare.
  26. Parenti, dolor de denti.
  27. Chi vol viver e star san, dai parenti staga luntan.
  28. El sangue no xe aqua.
  29. Co la merda se fa in casa, tuti la snasa.
  30. La pace sta inte la cardenza.
  31. Quando manca ‘l gran, le galine se beca.
  32. El pezo augurio, l’è na lite in casa.
Gioventù, vecchiezza
  1. La pianta, drizzarla fin che la xe tenera.
  2. Quel che si impara in zoventù, no se desmentega più.
  3. I ani che se mostra no xe quei che se g’ha.
  4. I omeni i g’ha i ani che i se sente e le done quei che le mostra.
  5. O da la testa o da la coa, tuti quanti fa la soa.
  6. Co ‘l cavelo trà al bianchin, lassa la dona e tiente el vin.
  7. Co ‘l diavolo vien vecio, el tol su la corona.
Libertà, servitù
  1. La libertà no gh’è oro che la paga.
  2. Xe megio esser osel de bosco, che osel de gabia.
  3. A sentarse so do careghe, el cul se sbrega.
Morte
  1. A tuto se trova rimedio, for che a la morte.
  2. El tempo passa e la morte vien, e grami quei che no g’ha fato del ben.
  3. La morte guarisse da ogni mal.
  4. La morte no varda in fazza a nissun.
  5. Se scomenza morir quando che se nasse.
  6. La morte, uno a la volta, ne scoa via tuti.
Parlare, tacere
  1. Val più ‘na lengua che sa parlar, che un molin che sa masenar.
  2. Do done e un’oca, fa un marcà; tre done fa ‘na fiera.
  3. La galina che canta ha fato l’ovo.
  4. ‘Na parola mal dita, la va tan fa’ na sita (saetta).
  5. A bon intenditor poche parole basta.
Sanità, malattie, medici
  1. Pilole de galina, sciropo de cantina, bareta in testa, e manda ‘l medico a far la festa.
  2. Vesti caldo, magna poco, bevi assai e viverai.
  3. Pissar ciaro e cagar duro, l’omo è forte come un muro.
  4. Baco, tabaco e Venere, riduse l’omo in çenere.
  5. Giugno, Luglio e Agosto, dona mia, no te conosso.
  6. El mal no domanda permesso.
  7. Panza impontia, ‘na bela fia; panza a pomèlo, un bel putelo.
  8. L’ultima malatia, xe la pezo de tute.
  9. No gh’è erba che varda in su, che no gh’abia la so virtù.
  10. Fora ‘l dente, fora ‘l dolor.
Sapere, ignoranza
  1. La gamba fa sempre quel che vol el zenocio.
  2. L’aseno se sempre un aseno anca co ‘na bela gualdrapa.
  3. El nome dei zucon, l’è scrit par tuti i canton.
  4. Chi no intende la so scritura, xe un aseno per natura.
Saviezza, verità, bugia
  1. La verità no piase sempre.
  2. Le busìe g’ha le gambe curte.
  3. Sto mondo xe na gabia de mati.
Sollievi, riposi, sollazzi
  1. L’arco sempre tirà, ‘l se rompe.
  2. Ogni pissada xe ‘na riposada.
Adulazioni, lodi, lusinghe
  1. Onor de boca, no se paga e no se toca.
  2. Bone parole e cativi fati, ingana savi e mati.
  3. Chi no sa adular, no sa regnar.
  4. Tuti adora ‘l so santo.
  5. Tuti adora el sol che nasse.
  6. Ogni santo vol la so candela.
  7. Finìa la messa se stua le candele.
  8. A santi veci no se ghe impizza pì candele.
  9. Bisogna impissar una candela al diavolo e una a sant’Antonio.
  10. Chi davanti te leca, da drio te sgrafa.
  11. Chi tropo se abassa, no vol rispeto.
  12. Chi tropo se inchina, mostra ‘l culo.
  13. No gh’è tristo can che no mena la coa.
Affetti, passioni, gusti, voglie
  1. Chi se ama, se brama.
  2. Chi se vuol ben, se çerca.
  3. Chi se vol ben, se incontra.
  4. Dove ghe xe galine, i gali core.
  5. Ogni cuor g’ha ‘l so segreto.
  6. El cuor no sbaglia.
  7. Tuti ama el so paese.
  8. A tuti ghe sa da bon la so scorezeta.
  9. Tuti gode a veder i mati in piazza, ma che no i sia della loro razza.
  10. Dei soi se vol dir, ma no se vol sentir dir.
  11. Tuti loda ‘l so santo.
  12. Se vede i difeti dei altri e no i soi.
  13. Coi nostri oci no se vede che i difeti dei altri.
  14. Tuti sa dove la scarpa ghe stenze.
  15. Tuti sa dove ghe dol el so calo.
  16. Tuti i gusti xe gusti.
  17. De gusti no se disputa.
  18. Xe sempre belo quel che piase.
  19. Chi va drio al buso e chi alle ave.
  20. Bondanza stufa, e carestia fa fame.
  21. Le cose xe secondo l’ocio che le vede.
  22. Chi g’ha l’iterizia, vede tuto zalo.
  23. No xe belo quel ch’è belo, ma xe belo quel che piase.
  24. A chi piase, la spussa xe grato odor.
  25. Tuti vede le cose per el so verso.
  26. Contentar tuti no se pol.
  27. A voler contentar tuti, no se contenta nissun.
  28. L’amor xe orbo e Passion orba rason.
  29. La passion fa l’inzegno.
  30. El belo piase a tuti.
  31. Le novità piase sempre.
  32. El poco se lo gode, e ‘l tropo stufa.
  33. L’ocasion fa l’omo ladro.
  34. Co la cavala se mia, tuti la vorìa.
  35. Chi no pol, sempre vol.
  36. Se cambia più spesso de pensier che de camisa.
  37. La lengua bate dove el dente dol.
  38. Co ‘l cuor desidera, (o dove ‘l cor tira), le gambe porta.
  39. Quando ‘l cuor abonda, la lingua spande.
  40. Co i oci no vede, el cor no dole.
  41. Tuti vede le code par i só oci.
  42. Co no vien dal cuor, cantar no se pol.
  43. No se pol cantar e portar la croxe.
  44. No se pol far balar l’aseno per forza.
  45. Chi sofre per amor, no sente pene.
  46. Per amor no se sente dolor.
Allegria, darsi bel tempo
  1. L’alegria piase anca a Dio.
  2. Omo alegro, (o zente alegra) el çiel l’aiuta.
  3. Chi vol vivere e star ben, toga ‘l mondo come ‘l vien.
  4. El mondo xe di chi lo gode (o di chi lo sa goder).
  5. I mati li fa e i savi li gode. (i quattrini)
  6. La roba no xe di chi la fa. ma da chi la gode.
  7. Chi sta ben un dì, no sta mal tuto l’ano.
  8. Chi se contenta, gode.
  9. Ancò in alegria, doman in malinconia.
  10. Chi tropo ride g’ha natura de mato, e chi no ride g’ha natura de gato.
  11. A l’ostaria no vago; ma co ghe son, ghe stago.
Amicizia
  1. I veri amiçi xe come le mosche bianche.
  2. Chi cade in povertela, perde l’amigo e anca la parentela.
  3. Insieme da putei, da veci i xe fradei.
  4. Amiçizia rinovada, menestra riscaldada.
  5. Amigo de tuti, amigo de nissun.
  6. El capel no se fa par ‘na piova sola.
  7. Se se vol che l’amiçizia se mantegna, bisogna che ‘na sporta vada e l’altra vegna.
  8. Conti spessi (o pati ciari), amiçizia longa.
Amore
  1. Ama chi te ama, rispondi a chi te ciama.
  2. Amor novo va e vien, amor veciose mantien.
  3. Amore, tosse e scabia, no la mostra chi no l’abia.
  4. Tosse, amor e panzèta, no se le sconde in qualunque sito che le se meta.
  5. L’amor el se sconde anca de drio a un pomolo de ago.
  6. No gh’è sabo senza sol, nè puta senza amor.
  7. L’amor del soldà, anquoi cà, doman là.
  8. Chi vol la nosèla, tira la rama; E chi vol la fia, carezza la mama.
  9. Se i basi fusse busi, tuti i musi saria sbusi.
  10. Oci no vede, cor no dole.
  11. Chi no mira no sospira.
  12. Lontan dai oci, lontan dal cuor.
  13. Amor senza barufa, fa la mufa.
  14. El moroso deve avere quatro S: solo, savio, soleçito e segreto.
  15. Tira più un pelo de femena che no fa çento pari de bo.
  16. L’amor de carneval, mor in quaresima.
Felicità, infelicità; piacere, dolore; bene, male
  1. A sto mondo gh’è in tuto el so ben e ‘l so mal.
  2. Ogni drito g’ha ‘l so roverso.
  3. Ogni rosa gh’a ‘l so spin.
  4. El ben çercarlo, e ‘l mal aspetarlo.
  5. I temporai più grossi vien a l’improviso.
  6. Le cative nove xe le prime che riva.
  7. El bel tempo no stufa mai.
  8. El sol de matina no dura tuto ‘l zorno.
  9. La prima aqua xe quela che bagna.
  10. Le ore xe ani per chi aspeta.
Fiducia, diffidenza
  1. Fidarse xe ben, ma no xe megio.
  2. Fidarse de tuti e de nissun.
  3. Chi xe in sospeto, xe in difeto.
  4. Pati ciari, amiçizia longa.
  5. De sbiri, putane e can, no te fidar se no te g’ha ‘l baston in man.
Gratitudine, ingratitudine
  1. A far ben, se se fa nemiçi.
  2. Co l’albaro xe in tera, tuti ghe core adosso co la manèra.
  3. No s’ha da spuar ne la squela (scodella) che se magna.
Ambizione, signoria
  1. Più in alto se va, più ‘l cul se mostra.
  2. Chi vol andar tropo in suso, casca per tera e se rompe el muso.
  3. Co la nobiltà no se magna.
  4. Siore ghi n’è de doa sorte: sior sì e sior no (i secondi hanno il titolo).
  5. Loda el mat e te l’ farà saltar, Se no l’è mat, te l’ fè presto deventar.
  6. Baldanza de paron, capel de mato.
  7. Chi magna le sariese co siori, ciucia i màneghi.
  8. Chi magna le oche del re, resta sofegà da le pene.
  9. El paron xe paron, perchè ‘l vol ‘ver sempre rason.
  10. Co ‘l capo xe da la mia, g’ho in culo i sbiri.
  11. Se dio no vol, gnanca i santi no pol.
  12. Tuti i santi g’ha bisogno de le so candele.
  13. Do gali in un punaro, i se beca.
  14. Co a merda monta in scagno, o che la spuzza o che la fa dano.
Astuzia, inganno
  1. El mondo xe dei più furbi.
  2. Fata la legge, trovà la malizia.
  3. Bisogna far da mona per no pagar el dazio.
  4. Perchè ‘l caro no çiga, bisogna onzer le rode.
  5. Chi tràpola tende, spesso intrapolà se rende.
  6. No bisogna lassarse ciapar la coa soto la porta.
  7. Le done ghe ne sa una carta (o un punto) più del diavolo.
  8. El diavolo de le done el se fida.
  9. Bele parole e cativi fati, ingana savi e mati.
  10. In casa de ladri no se roba.
  11. No cagar soto la neve, se no ti vol che la vegna scoverta.
  12. Quando i ladri i se fa guerra, segno che i xe daccordo.
  13. Per conosser un furbo, ghe vol un furbo e mezzo.
Bellezza, e suo contrario, fattezze del corpo
  1. Bei in fasse, bruti in strasse.
  2. Chi nasse bela, g’ha la dote con ela.
  3. Se ti vol veder se una dona xe bela, vardila a la matina co la leva.
  4. Fin che la dona granda se inchina, la piccola liga la fassina.
  5. Bruta vaca, bel vedelo.
  6. Bela dona e vin bon, fa dei amiçi al paron.
  7. Caval bianco e bela mugièr dà sempre del pensier.
  8. Le bele per dileto, le brute per dispeto.
  9. Ogni bella scarpa deventa ‘na bruta zavata.
  10. Fronte spazioso, omo giudizioso.
  11. Oci mori robacuori; oci bisi, paradisi.
  12. A ogni muso ghe sta ben el so naso.
  13. Napa nio sconza camin.
  14. Quela che g’ha le busete su le gote, se marida senza dote.
  15. El galo senza gresta xe un capon, e l’omo senza barba un cogion.
  16. Dio me varda, da l’omo senza barba.
  17. Ne la bote picola sta ‘l bon vin.
  18. Dona pelosa, o mata o virtuosa.
  19. Vàrdate dai cani, dai gati e da le done coi mustaci.
  20. Rosso dal mal pelo, çento diavoli per cavèlo.
  21. El çiel me vardi da la tosse, da quei da le barbe rosse, dal vermo del fenocio,e da queli de un sol ocio.
Benignità, perdono
  1. Poco fiel fa amaro molto miel.
  2. Ama chi te ama, e no odiar chi te sprezza.
  3. El perdonar xe da omo, el desmentegar xe da bestie.
  4. Tropo bon, tropo cogion.
Coscienza, gastigo dei falli
  1. Tuti sa cosa boge ne la pentola.
  2. Chi è causa del suo mal, pianga se stesso.
  3. Chi rompe de vecio, paga de novo.
  4. Chi ha la testa de cera, no vada al sol.
  5. El fruto no casca luntan da l’albaro.
  6. El diavolo insegna a far le pignate e no i covèrcioli.
  7. I difeti xe come i odori: li sente più chi xe atorno, che chi li porta.
Costanza, fermezza, perseveranza
  1. Chi la dura la vinze
  2. El velen sta ne la coa.
  3. A la fine del salmo se canta el gloria.
  4. Ride ben chi ride ultimo.
Cupidità, egoismo
  1. Del too, damene; del mio, no domandar.
  2. Quando la casa se brusa tuti se scalda.
  3. Tuti cerca de tirar aqua al so mulin.
  4. Tuti pensa per sè e Dio per tuti.
Diligenza, vigilanza
  1. Chi ben cominzia è a metà de l’opera.
  2. Co no gh’è ‘l gato i sorzi bàgola.
  3. Chi no ga testa, g’ha gambe.
  4. Per un ciodo se perde un fero, e per un fero un cavalo.
  5. Chi camina coi oci serài se rompe la testa.
  6. Dove manco se crede, l’aqua rompe.
Ira, collera
  1. La colera tra marìo e mugier, dura da la tola al fogher.
  2. Lassa star el can che dorme.
  3. Brontola anca le buèle in panza.
  4. Aqua che core xe sempre neta.
Maldicenza, malignità invidia
  1. La piuma slargada no torna mai tuta inte ‘l saco.
  2. La lengua l’è la pezo carne del mondo.
  3. Chi fa la casa in piazza, o la fa massa alta o massa bassa.
  4. Le campane no sona se qualchedun no le toca.
  5. La parte dei altri par sempre più granda.
Orgoglio, vanità, presunzione
  1. La superbia va a cavalo e torna a piè.
  2. Fra Modesto no xe stà mai priore.
  3. Più se sa e più se spuzza.
  4. Per voler saver tuto se sa anca da mona.
  5. Chi vol far el stronzo massa grosso, ghe vien le làgreme ai oci.
Ozio, industria, lavoro
  1. L’ozio xe ‘l pare de tuti i vizi.
  2. A star fermi se fa la mufa.
  3. Gata coi guanti no ciapa sorzi.
  4. Chi sta co le man in man, l’ha poc ancò e manco doman.
  5. La pigrizia va tanto pian, che la miseria la ciapa.
  6. Vogia de laorar, sàltame adosso e fame laorar manco che posso.
  7. Far e disfar, xe tuto un laorar.
Paura, coraggio, ardire
  1. La paura fa suar (sudare) de Genaro.
  2. Chi no la rìsega (rìsica), no la rosega.
  3. Chi no ris-cia el soo, no ciapa quel dei altri.
  4. La paura de morir xe pezo de la morte.
Pazienza, rassegnazione
  1. La pazienza xe un’erba che no nasse in tuti i orti.
  2. Bisogna far de neçessità virtù.
  3. Co se xe in balo, bisogna balar.
Probità, onoratezza, virtù
  1. L’innocenza se come un specio: co l’è macià, noi se neta più.
  2. Chi no ha nè onor nè vergogna, l’è na carogna.
  3. Ogni promessa xe debito.
  4. La roba sporca, la va lavada in famegia.
Prudenza, accortezza, senno
  1. Omo senza prudenza tanto val, quanto la menestra senza sal.
  2. A viver co la testa nel saco, xe bon ogni macaco.
  3. Omo avisà, xe mezo salvà.
Simulazione, ipocrisia
  1. A le lagreme de un erede, xe mato chi ghe crede.
  2. Le bronze coèrte, xe quele che scota.
  3. Vàrdate da le gambe d’un mulo, da la boca d’un can, e da chi tien la corona in man.
Speranza
  1. Chi vive sperando, more cantando.
  2. Fin che gh’è fià, gh’è speranza.

Veneziani, gran signori; Padovani, gran dotori; Vicentini, magna gati; Veronesi, tuti mati; Udinesi castelani, col cognome de Furlani; Trevisani, pan e tripe; Rovigoti, baco e pipe; i Cremaschi, fa cogioni; i Bressan, tagiacantoni; ghe n’è anca de più tristi: Bergamaschi brusa-cristi.
E Belun? Pòreo Belun te sè proprio de nisun!

© Immagini e testi coperti da copyright.